Национальный проект-влакым илышышке пурташ тений республикыште идалыкын икымше пел ийыштыже 80 процент наре контрактым пенгыдемдыме. Тидын нерген Правительствын заседанийыштыже промышленность, экномике вияҥмаш да ужалымаш министр Станислав Крылов увертарен. 2020 ийыште национальный проект-влаклан тӱрлӧ бюджет гыч 9 миллиард утларак ойыралтеш. Тидыже 2019 ий дечын шукырак. Министр палемден:1 июльлан национальный проект-влакым илышышке пуртымо годым оксам вес йӧнлан кучылтмаш лийын огыл. «Лӱдыкшыдымӧ да сай качестван автомашина корно» национальный проект дене пашам кузе ыштымым лабораторийыште тергат. Тидыжым «Марийскавтодор» предприятий шукта. А.Евстифеев контракт-влакым пенгыдемден шукташ да пашам жапыштыже ышташ темлен. Национальный проект-влак ятыр сферыште илышышке пурат: образований, здравоохранений, корным ыштыме, экологий, демографий да тулеч молат.
Комментариев: 0