Пандемий да мероприятий-влакым чарымылан кӧра, тений «Кеҥеж тургым» фестиваль август мучашке куснен. Кодшо кечылаште Килемар район Алёшкино ялыште «Раздолье» турист комплексыште Э.Сапаев лӱмеш опер да балет театрын артистше-влак «Акпатыр» оперым ончыктеныт. Фестивальын унаже-регион вуйлатыше А.Евстифеев лийын. Тудо артист-влаклан таум ойлен. «Акпатыр» - икымше марий опере. Тудын премьерыже – 1963 ий 5 апрельыште МАССР драме театрыште лийын. 2017 ий гыч оперым пӱртӱсыштӧ ончыктат. Тыге тудо кеҥеж жапыште тӱвыран шке шотан брендше лийын.
Комментариев: 0