Каныш кечылаште республикыште «Акпатыр» опере лиеш, тыгак «Кино йӱд акций», тидын дене пырля Килемар районышто «Территория согласия» форум почылтеш. Теве ынде икмыняр ий Э.Сапаев лӱмеш опер да балет театрын артистше-влак тиде постановкым Килемар районысо «Раздолье» турист комплексыште ончыктат. Тений тудо «Кеҥеж тургым» фестиваль жапыште 29 авгусьышто эрта. Икымше марий оперын премьерыже 1963 ий 5 апрельыште лийын. Тиде опере 2020 ийыште 200 эн ойыртемалтше событий радамыште, тыгак 2019 ийыште событийный туризм шотышто национальный премийым сулен. Шуматкечын тыгак «Кино йуд» акций лиеш. Тиде кечын российыште лукмо кум кином кастене да йӱдым ончыктат. Районлаштат тиде акций лиеш. Тиде Куженер, Морко, Килемар, Медведево, Звенигово районлаште да Волжск олаште эрта. Чыла площадкылаште Роспотребнадзорын темлымашыжым шотышко налыт.
Комментариев: 0