«Петырыме режимыште» пашам ыштымылан 850 наре социал пашаеҥлан стимулирующий выплатым жапыштыже тӱленыт. Тидын нерген республикын калык илышкылым саемдыме шотышто министр Марина Островская увертарен. Апрель тылзыште социал учреждений-влак «петырыме режимышке» пашам ышташ кусненыт. Республикыште 12 тӧнеж, а тиде «Таир», Шоя-кузнецово, Кундыштӱр, Кожласола, интернат-влак, Савинысе йоча пӧрт, Волжскысо социал-реабилитаций рӱдер шке паша радамыштым вашталтеныт. Персонал 14 кече лекде пашам ыштен. Изоляций жапыште петырыме режимыште 889 еҥ тыге пашам ыштен. Пандемий жапыште социал учрежденийлаште 12 еҥ черланен, тыгодым чылаже учрежденийыште 2 тӱжемат утла еҥ ила. 1 сентябрь гыч чыла учреждений-влак ончычсо режимыште пашам ыштат, тыгодым тушко ӧрдыж еҥым огыт пурто, санитар-эпидемиологий мероприятий шукталтеш. Тиде жапыште «петырыме режимыште» пашам ыштыше 889 сотрудниклан чумыржо 79 млн теҥге выплатым тӱленыт.
Комментариев: 0