Россий Президент Владимир Путинын кӱштымашыже дене ялозанлык министерстве регион-влак дене ял шотан опорный пункт-влакым ышта. Программе 6 ий шуйнаш тӱҥалеш, тудын дене инженерный да социальный инфрастуктурым вияҥдат.

Росийын ялозанлык министерствыже Козьмодемьянск олам да тудын воктене Курыкмарий районысо кумдык-влакым ойырен.
 Марий Элын вуйлатышыже Юрий Зайцев тиде пашам шуктымо шотышто совещанийым эртарен.

Программышке тазалыкаралтыш, туныктымаш, тӱвыра, транспорт да илымвер-коммунал озанлык шотышто 60 утла мероприятий пурен. Проект-влакым 2025 ийыште илышыш пурташ тӱҥалыт.