Йошкар-Олаште 2026-2027 ийыште мэрын стипендиатше-влакым саламленыт.

Вузлаште, техникумлаште да колледжлаште шинчымашым погышо-влакым рӱдола мэрын алмаштышыже Людмила Новоселова саламлен. Тудо палемден, сеҥыше-влак конкурсым эртеныт, тыгак эксперт-влаклан тунеммаштышт лектышышт нерген палдареныт. Тений 32 еҥ мэрын стипендиатше лийын: 16 еҥ вуз-влакын студентышт, 16 еҥ колледж да техникумлаште тунемыт. Палемдалтше-влак коклаште - Марий кугыжаныш университетыште, Юлтехыште, МОСИ-ште шинчымашым погышо-влак. Тыгак стипендиат-влак коклаште бизнес-колледжын, Йошкар-Оласе строительный, медицинский, тӱвыра да сымыктыш колледжын да моло тунемме верын студентше-влак улыт.