МЭТР телеканал «Парым» фильмым ыштен шуктен.

Валерий Апакаевын ойлымашыже негызеш сценарийым «Марий Эл Радион» тӱҥ редакторжо Владимир Матвеев возен. Тушто сар дечын вара жапым ончыктат. Съёмко Морко районысо Унчышто эртен, театрын артистше-влак дене пырля тушто Унчо калыкым, фольклор коллективым ужына. Фильмым сем дене композитор Григорий Архипов сылнештарен, фильмын режиссёржо - Роман Алексеев. Тиде проектым "МЭТР" кугыжаныш автоном тӱвыра тӧнеж М.Шкетан лӱмеш Марий кугыжаныш драме театр дене Тӱвыра, печать да калык-влакын пашашт шотышто министерствын полшымыжо дене илышыш пуртен. Фильмын премьерыже Морко, тыгак Йошкар-Олаште лиеш, икмыняр жап гыч тудым МЭТР телеканалыште ончыктат.