Шушаш 5 ий жапыште Марий Элыште эше кок причалым ыштышаш улыт.

Тиде шонымашым Федераций погынышто сайлан шотленыт да проект документацийым ямдылаш темленыт. Ончылгоч палдарыме почеш причал-влакым Кокшайск селаште да Юрино посёлкышто ыштышаш улыт. 

Тыгай проект Марий Эл республикым социал-экономик могырым вияҥдыме программе кышкарыште шукталтеш. Теве Козмодемьянск олаште причалым ыштыме дене мемнан республикышкына ятыр турист толын коштын.
 Чылаже тений Козмодемьянск 286 гана турист-влак дене тӱрлӧ пушым вашлийын. Регион вуйлатыше Юрий Зайцев палемден: турист-влакын ешаралтме чот дене Марий Эл тений Юл кундем федерал округышто ончыл радамыш лектын.

(Фотом Марий Элысе Виктерын сайтше гыч налме)