Школлаште искусственный интеллект да цифровой лӱдыкшыдымылык курсым пуртат
Кызыт республикысе 8 школышто у курсым тергат, тудын апробацийже лиеш. Тиде Звенигово лицей, Медведево 2-шо школ, Морко 2-шо школ, Волжск оласе 4-ше школ, Йошкар-Оласе 11 номеран лицей, М. Ломоносов лӱмеш лицей, 28-ше номеран школ, Марисола школ. 11 ноябрь гыч нине тунемме верлаште занятий-влак тӱҥалыныт. Тунемше-влак искусственный интеллект нерген пален налыт, цифровой средаште шкем аралаш, кызытсе технологийым кучылташ, налме шинчымашым практикыште кучылташ тунемыт. Вес ий январь гыч Российын чыла школлаште 5-11 классыште тунемше-влак тиде курс почеш шинчымашыштым келгемдаш тӱҥалыт.
Фото: Марий Элысе туныктыш да шанче министерстве.























