2025 ий февральыште «Домодедово» аэропортышто да апрельыште «Внуково» аэропортышто Универмагым почыт. Тиде площадкыште марий кидмастар-влакын пашаштым ончыктат. Регион вуйлатыше Юрий Зайцев ешарен, тыгай ярмиҥга-влак марий кундем нерген утларак палдараш да турист-влакым кумылаҥдышаш улыт. Марий Эл ‒ мотор регион, Шереметев замокышко шуко еҥ толеш, мемнан кундемым вес элла гычат турист-влак кумылын аклат. Верысе производитель да кидмастар-влаклан мемнан кундемыште «Изирак да кокла предпринимательстве» нацпроект пашаштым вияҥдаш полша. Тиде нацпроект Россий Президент Владимир Путинын тӱҥалтышыже дене илышыш пура.
Комментариев: 0