Тидын нерген Регион Вуйлатыше Юрий Зайцев шке телеграм-каналыштыже увертарен. Тений 9 тылзыште продукцийым 227 миллиард теҥгелан луктыныт. Эм препаратым ‒ 2 пачаш шукырак, автотранспорт средствым, прицеп да полуприцепым ‒ 18%, ямде кӱртньӧ изделенийым ‒ 12%, химический вещества да химический продукт-влакым 9% шукырак луктыныт, машинам да оборудованийым ‒ 9 %, кагазым ‒ 6 процентлан утларак. Республикысе промышленность сферыште динамике икмыняр ий коеш. Мемнан предприятий-влак шукырак сатум луктыт да нуным ужалымашке колтат.