13:46, 5-10-2020Сӱретче Любовь Ткаченко марий вургеман ӱдырым сӱретлен да стикер-влакым ыштен

Марий Эллан 100 ий темме вашеш Курыкмарий район гыч сӱретче Любовь Ткаченко марий вургеман ӱдырым сӱретлен да стикер-влакым ыштен. Нуным телеграмм мессенжерыште кучылташ лиеш. Ик кечыште гына стикер-влакым 200 утла еҥ шке телефонышкыжо арален. Тыгак кумылан-влак стикер-влакым вес мессенжерлаштат кучылтын кертыт. Любовь Ткаченко ятыр жап Москва олаште илен, ик ий ончыч шочмо верышкыже пӧртылын, кызыт гын, Козьмодемьянскыште, Эшпай лӱмеш тӱвыра полатыште художественный вуйлатышылан пашам ышта.