Калык-влакын келшымаш пӧртыштышт Юрий Зайцев спецоперацийын участникше, ветеран организацийын еҥышт дене вашлийын
Вашлиймашыште ветеран-влаклан полышым пуымо нерген каҥашеныт. Мутлан, мемнан кундемыште спорт илышыште паралимпийский движенийым вияҥдат. Ветеран-влакын реабилитацийыштлан кугу тӱткыш ойыралтеш. Ноябрь мучашыште «Сильные духом» паралимпийский сборныйлан 1 ий лийын. Тиде жапыште спортсмен-влак 10 утла таҥасымашке ушненыт. Марий Элын Вуйлатышыже следж-хоккей дене республикысе командым ыштымашым сайлан шотлен. Нуно «Лига Героев» Россий чемпионатын унаже лийыныт. Тений республикыште ветеран-влак коклаште турнир лиеш. Марий Элыште передовойышто улшо, тыгак ветеран-влаклан тӱрлӧ шӧрынан полыш ойыралтеш. Республикыште 50 утла социал полыш уло. Ушештарена, тений 10 февраль гыч контрактым пеҥгыдемдыше-влаклан республике 2 миллионат 600 тӱжем теҥгем ойыра.
