Марий Элыште «Земский работник культуры» программе дене йодмаш-влакым налаш тӱҥалыныт.Кумылан-влак дечын документым 15 июль марте вучат. Йодмашым икмыняр йӧн дене колташ лиеш: Республикысе тӱвыра министерствыш шке миен, почта дене серышым колтен, тыгак электрон почтыш.
Ушештарена, 50 тӱжем еҥ дечын шагал илыман кундемыште илаш куснышо-влаклан ик гана 1 миллион теҥгем пуэн кертыт. Программе «Земский учитель» да «Земский доктор» семын ышталтын да специалист-влакым изирак олаш да яллаш пашам ышташ толаш кумылаҥдаш виктаралтын.
Кумданрак - Республикысе тӱвыра министерствын сайтыштыже.