Йошкар-Оласе аэровокзалым тений идалык мучаш марте почшаш улыт

Йошкар-Оласе аэровокзалым тений идалык мучаш марте почшаш улыт.
Тидын дене Юрий Зайцев Республике Правительствын 2024 ийысе пашаже нерген Кугыжаныш Погынын шымше сессийыштыже ойлымо годым палдарен.
Идалык мучаш марте аэровокзалым пашаш колтышаш улыт, взлетно-посадочный полоса тудо жапланак ямде лиеш, тичмашнек пашам 2028 ийыште мучашлат. Кызыт Йошкар-Олан аэропортыштыжо инфраструктурым уэмдат. Тушто пашам мучашлымеке, аэропорт кугу самолет-влакымат вашлийын кертеш.