У тунемме идалыкын тӱҥалтышыжым да школ каникулым радамленыт

У тунемме идалык Российысе школлаште 2025 ий 1 сентябрь гыч 2026 ий 26 май марте шуйна.
Тидын дене Российын Просвещений министерствыже палдарен.
Ведомстве каникулын кужытшым да тунемме жапым темлен. Школ-влак четверть денат, триместр денат тунемын кертыт. Шыже, теле, шошо каникул шым кече деч шагал лийшаш огыл.
Икымше классыште тунемше-влаклан февральыште ешартыш канышым пуышаш улыт. Кеҥеж каникул 2026 ий 27 май гыч 31 август марте шуйна.