Республикыште автомашина-влакын чотышт койын шукемеш. Марий Эл ГИБДД виктемын увертарымыже дене, 2019 ий мучашлан мемнан кундемыште 24 тӱжем утла грузовой манме автомобиль, 3152 автобус шотлалтыныт. Транспорт 9 миллион наре нелытым шупшыктен. Автобус-влак да троллейбус-влак улшо маршрут дене 24 миллион еҥым кондыштареныт. Тӱшкан пайдаланыме транспорт дене коштшо-влакын чотышт шагалемеш, тыгодым еҥ-влакын шке личный автомашинашт шукемыт. ГИБДД виктемын уверже дене, калыкын погыштыжо 178 тӱжем автомашина лийын, тидыже ончылийсе дечын 1,7% шукырак. Кажне кокымшо автомашина йот элыште лукмо лийын, кажне визымше автомашинам лукмылан 5 ият уке. Тидын нерген Маристат увертара. 
Комментариев: 0