И.Палантай лӱмеш тӱвыра да сымыктыш колледжын хореографический отделенийыште тунемше-влак «Сириус» тунемме рӱдерыш миеныт

Тыгак нуно вес регионласе тунемше-влак дене пырля кугу хореографий концертыште шкеныштым устан ончыктеныт. Мероприятий ик сценыште Пермь, Краснодар, Самара, Калининград гыч тунемше-влакым ушен.

Марий Эл Виктер Вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов педагог-наставник Мария Максимова да Роман Стариковлан, Российын калык артисткыже Светлана Захаровалан студент-влакын «Сириусын» туныктымо программышкыже ушнаш полшымыжлан, тыгак Алина Бородиналан тиде мероприятийым эртарен колтымылан тауштен.