Республикыште тазалык аралтыш сферылан кугу тӱткыш ойыралте

Марий Эл Правительстве оласе тӧнеж-влаклан веле огыл, тыгак районысо эмлымвер-влакым тӧрлымӧ шотышто кугу пашам шукта. Марий Турекыште тений «Еш» нацпроектын регионысо проектше дене районысо рӱдӧ эмлымверыште ӱдырамаш консультацийым уэмденыт. Тудо икымше пациент-влакым вашлийын. Консультацийыште кызытсе жаплан келшыше оборудований уло. Тудым налаш федерал бюджет гыч 19 миллион теҥге ойыралтын. Консультацийлан верым тӧрленыт, ынде пациент да медперсоналланат йӧнан. Тидлан республикысе бюджет гыч 3 миллионат 600 тӱжем теҥгем ойыреныт.

Тений республикыште 6 вере ӱдырамаш консультацийым ыштен шуктат.