Республикышке грипп дечын йоча-влаклан прививкым ышташ вакцинын кокымшо партийже толын. Тиде кӱлмӧ дечын 85%. Йоча-влаклан прививкым паша кечын веле огыл канаш кечылаштат ыштат. Тыге Йошкар-Оласе йоча больнице 31 октябрьыште, 1, 7, 8 ноябрьыште 10 гыч 13 шагат марте Йошкар-Оласе икымше номеран поликлиникын восстановительный медицине отделенийыштыже кумылан-влакым вуча. Адресше –Йошкар-Ола, Комсомольский урем, 123 номеран пӧрт, 20 кабинет. Ушештарена, «Совигрипп» вакцинын икымше партийже, а тиде 39 тӱжем дозо - августышто толын, тудым чыла кучылтмо. Тений республикыште грипп дечын 407 тӱжем утла еҥлан прививкым шындышаш улыт.
Комментариев: 0