Т.Евсеев лӱмеш калыкле тоштерыште коштымо пеледыш да шудо гыч оҥай экспозиций пашам ышта

Тудым Соловецкий лагерьысе барак воктен погымо шудо гыч ыштеныт. Гербарий совет лагерь-влакын историйыштым коштымо шудо да пеледыш гоч ончыктат.

Экспозицийыште тыгак репрессийыш логалше, Марий Элын 4 шочшыжо нерген материал ончыкталтын. Тиде священномученик Леонид Антощенко, этнограф Тимофей Евсеев, поэт Сергей Чавайн да художник Константин Егоров.

Ончерым сӱретче Андрей Кузькин да Иван Щукин ямдыленыт. Проектын кураторжо – Тимирязев лӱмеш Кугыжаныш биологий тоштерын кугурак шанче пашаеҥже Надежда Пантюлина.