Марий Элын рӱдӧ олаштыже калык-влакын келшымаш пӧртышт лиеш. Тидын шотышто постановленийышке кидпалыжым Российын Премьер-министрже Михаил Мишустин пыштен. Келшымаш пӧртым чоҥаш республикылан 679 млн теҥгем ойырат. Тидын шотышто уверым Россий финанс министерствын сайтыштыже савыктыме.
Республикыште тӱрлӧ калык-влак ваш келшен илат, садланак Келшымаш пӧртым чоҥаш кӱлешлык шукертак уло. Федерал кӱкшыштыштат тиде йодышым нӧлталыныт. Россий финанс министерстве увертара, тиде пашалан оксам 2021-2023 ийлаште «Тӱвырам вияҥдымаш» программе дене ойырат.
Комментариев: 0