Полиций пашаеҥ-влак правам аралымаште тыршат, тыгак республикыште эпидемиологический ситуацийым саемдымашкат шке вийыштым пыштат. Республике правительстве пӧртыштӧ Александр Евстифеев Марий Элыште элкӧргӧ паша министр Сергей Волчков дене вашлийын. Кундемыштына, пытартыш ийла дене таҥастарымаште, преступлений-влакын чотышт шагалемын.
Тений индеш тылзе – куштылго лийын огыл, пандемий, тыгодым кугыжаныш кӱкшытыштӧ эртаралтше мероприятий-влакат лийыныт, нуным эртарымаште элкӧргӧ орган-влакын пашаштым палемдаш лиеш.
Тений 10 тылзыште полиций пашаеҥ-влак 22 килограмм наркотикым муыныт. Пыратыш жапыште информационный технологийым кучылтмо дене ышталтше преступлений-влак шукемыныт. Нуным шижтараш да ончылгоч палаш министерствыште специальный подразделенийым ыштыме.
Пандемий жапыште МВД Роспотребнадзор виктем дене пырля рейдлашке лектеш, санитар правил шукталтмым терга.
Полиций пашаеҥ-влакым регион вуйлатыше Александр Евстифеев профессионал пайремышт дене саламлен. Правам аралыше орган да пашан ветеранже-влаклан тазалыкым тыланен. Элкӧргӧ органлаште службым эртыше-влакын тӱҥ сомылышт еҥ-влакын илышыштым аралаш да республикыште оперативный обстановкым шотышто кучаш.
Комментариев: 0