Октябрь тылзыште республикысе больницылашке 170 тонн кислородым налыныт. Кодшо ий тыгаяк жап дене таҥастарымаште тиде 6 пачаш шукырак. Тачысе кечын республикысе инфекционный стационарлаште 1247 койко верым ыштыме. Тыгодым кажне кечын кислород полшымо дене 470 утла пациент шӱла. Пандемий жапыште коронавирус дене черле-влакым эмлаш медицинский газым аралаш оборудованийым налыт. Кислородым Йошкар-Оласе, Волжскысо, Медведево эмлымверлашке колтат. Лач тушто эн шуко пациент кия. Вӱргече эрлан республикысе инфекционный стационарлаште 1117 еҥ эмлалтеш, чыла гаяк еҥын пневмоний, 30 еҥ шодын искусственный вентиляцийыште.
Комментариев: 0