14:15, 17-11-2020Медведево гимназийын тунемшышт у тунемме ийым олмыктымо школышто тӱҥалыныт

Медведево гимназийын тунемшышт у тунемме ийым олмыктымо школышто тӱҥалыныт. Школым эше 1962 ийыште чоҥымо, 50 ий эртымеке, тунемме верым капитально олмыктеныт. «Развитие образования» кугыжаныш программе дене гимназийыште столовый, спортзалым тӧрленыт, леведышым вашталтеныт. Столовыйыште вентиляций системым уэмдыме, окна блокым вашталтеныт, Роспотребнадзорын кӱштымашыже дене кӱвар да пырдыжышке кафельым пыштеныт. Тунемме верыште актовый залымат ачаленыт. Информатика кабинетыште «Цифровая образовательная среда» программе дене у оборудованийым налыт. Икманаш, школ уэмын. Паша шуктымым регион вуйлытыше Александр Евстифеев аклен.