Марий Эл гыч амалкалче-влак кугыжаныш закупкышко кумылынрак ушнаш тӱҥалыныт. Муниципал да кугыжаныш заказ-влакым вераҥдыме, нуным илышышке пуртымо годым законодательствым шуктымо нерген регион вуйлатыше Александр Евстифеев Марий Эл Республикыште федеральный антимонопольный службо виктемын вуйлатышыже Павел Козел дене вашлийын мутланен. 2020 ийыште эпидемиологический ситуаций экономикышкат вашталтышым пуртен. Бизнес пашам вораҥдарыше-влак кугыжаныш закупкылашке утларак ушнат, тыгодым кугыжаныш да мунициапал заказчик-влак шотышто вуйшиймаш шукырак пура. Южгунам нуно закупкылан чаракым ышташ шонымо дене лӱмын колталтыт. Тыгай вуйшиймашым возышо-влаклан кызыт у закон проектым ямдылат. Регион вуйлатыше да Марий Элыште ФАС-ын вуйлатыше Россий Президент Владимир Путин дене пеҥгыдемдыме Конкуренцийым вияҥдыме национальный планым илышышке пуртымым онченыт. Таче кечын кугыжаныш да муниципал кучем шотышто пудыртымаш шагалрак вашлиялтыт.
Комментариев: 0