Инженерный профильный классым Йошкар-Оласе технологический колледжыште почыныт.

У проектыш рӱдоласе 10-шо №-ан школын тунемшыже-влак ушненыт. Тунемше-влакым пайремлын Марий Элын образований да науко министржын пашажым шуктышо Андрей Сушенцов ден образований управленийын начальникше Альберт Чакичев саламленыт. Инженерный классыште тунемше-влаклан кумда йӧн почылтеш. Школышто тунемше-влак сузыш тунемаш пурымышт деч ончычак профессийыш нерген шукырак пален налын кертыт, точный науко ден инженерийым келгынрак шымлат. Практический занятий-влак кызытсе жаплан келшыше оборудований дене эрташ тӱҥалыт. Колледж ден школын вашкылышт ончыкылык кӱкшӧ квалификациян специалист-влакым ямдылаш пеҥгыде негыз лиеш, палемдышт рӱдоласе администрацийыште.