Йошкар-Ола Екатеринбург ола гыч толшо турист поездым вашлийын.

Уна-влак республикын сылне верлажым ужыныт, калык кочкышым тамленыт, марий калыкын йӱлаже дене палыме лийыныт. Вокзалыштак нуным марий муро дене тӱрлӧ марий вургемым чийыше артист-влак вашлийыныт. Ушештарена, состав Йошкар-Олаш 30 октябрь эрдене Екатеринбург гыч тарванен. Лач ик сутка гыч тудо мемнан оласе кӱртньыгорно вокзалыш толын шуын. Корнышто поезд Кунгурышто, Пермьыште, Ижевскыште, Агрызыште да Озаҥыште шогалын.