Йошкар-Ола уремлаште корным национальный проект дене тӧрлат. Рӱдолаште тиде проект 2019 ий гыч илышышке пура. Тиде жапыште оласе 10 уремым тӧрленыт, у магистральым чоҥаш тӱҥалыныт. У технологий дене Ленинский проспект, Карл Маркс, Первомойский, Западный, Красноармйский, Кремлевский, Комсомольский, Пролетарский, Дружба, Машиностроитель уремлаште корным ыштеныт. Тушто тыгак корно воктене бордюр кӱйым вашталтеныт, инженер коммуникацийым шотышко конденыт, газон да тротуар-влакым уэмденыт.
Киров-Строитель уремым ушышо магистраль нерген ойлаш гын, тушто йолешке-влакын вончымо верым, тыгак кӱварын негыз меҥгыжым ыштат, коммуникаций-влакым вӱдйымач колтат. Национальый проект дене ыштыме корно-влакым улшо йодмаш дене тергат, диагностикым ыштат.
Комментариев: 0