Э.Сапаев лӱмеш опер да балет академический театрыште Россий калыкын икоян улмо кечыжым да Марий Элнан шочмо кечыжым палемдыме пайрем мероприятий эртаралтын.
Регион вуйлатыше тушто ятыр наградым кучыктен, ты радамыште специальный военный операцийыште лийше боец-влаклан суаптар-влак. Саламлыме еҥ-влак коклаште компьютер лингвист Андрей Чемышев лийын. Тудлан «За заслуги перед Марий Эл» орденын медальжым кучыктеныт. Ятыр саламлымаш деч вара сылне концерт толшо-влакын кумылыштым савырен. Тудым шуко йӱкан йоча хор, кӱслезе-влак, тыгак семӱзгар оркестрыште шоктышто, «Волгенче» куштышо ансамбль ончыктеныт.