Шернур район Марисолаште, Советский район Вечын селаште, Волжский район Сотнурышто тений тӱвыра пӧрт-влакым тичмаш тӧрлат. Тиде пашам «Культура» национальный проект дене шуктат. Тыгак республикыште ныл йоча сымыктыш школ-влакын модернизацийыштлан окса ойыралтеш. Куженер, Советский, Морко, Юрино йоча сымыктыш школ-влакын оралтыштым тӧрлат. Республикын районжо-влаклан автоклуб-влакым налыт: Волжский, Килемар, Куженер, Медведево, Оршанка, Параньга, Советский рӱдӧ клуб системылан. Йошкар-Олаште Марий кугыжаныш филармонийын полатшым чоҥымо паша теният каяш тӱҥалеш.
Комментариев: 0