Самырык, чолга, у шонымашым илышышке пуртышо да пашам вораҥдарыше-влак. Йошкар-Олаште сылнымут, сымыктыш, архитектур, шанче да технике областьыште ойыртемалтше самырык-влакым саламленыт. Самырык-влаклан республикысе кугыжаныш премий-влакым Регион вуйлатыше Александр Евстифеев кучыктен. Палемдалтше-влак радамыште «Марий Эл Радион» пашаеҥышт: Володя Матвеев, Жанна Федорова, Владимир Аптулаев. Тыгак Олык Ипай лӱмеш премийын лауретше-влак радамыште «Чинчывий» ансамбльын вуйлатышыже Марина Завойскина, «Ончыко» журналын тӱҥ редакторжо, поэт Игорь Попов, режиссер Степан Пектеев, сӱретче Анна Санникова улыт. Тидын дене пырля самырык-влакын премийыштым – Т.Евсеев лӱмеш тоштерын пашаеҥже Надежда Васканова, Юлтехын шанчызыже-влак, Шернур сырзаводын пашаеҥышт, «Стрит-арт» школым ыштыше Илья Белов, да инклюзивный куштымашым туныктышо Анна Соколова суленыт.
Тиде кечын Марий Эл кугыжаныш Погынын председательже Анатолий Смирновлан «За заслуги перед Марий Эл» орденын медальжым кучыктеныт. Анатолий Васильевичым законодатесльствым вораҥдарымаште палемденыт. Тудо 20 ий утла сарын ветеранже-влакым эмлыше госпитальын тӱҥ врачше лийын. Кокымшо, кумшо, нылымше, визымше, кудымшо погынлаште депутат семын тыршен, шымше погынышто Председательын сомылжым шутка.
Комментариев: 0