Похожие новости
Мы рекомендуем Вам зарегистрироваться либо войти на сайт под своим именем.
Республикын кугыжаныш архивыште «Тӱрлӧ культур, йӱлалан пӧлеклалтше йыргешке ӱстел» эртен. Тушто кугыжаныш, йӱла, тӱвыра пашаеҥ, шанчызе, архивист-влак чумыргеныт.
Марий Эл республикын кугыжаныш архивше – марий калыкын, республикын историй поянлыкшылан шотлалтше документ, источник-влакым аралыше вер. Мемнан республикыште тӱрлӧ калык-влак: марий руш, чуваш, украинец, удмурт, армян да молат ваш келшен илат. Чылаже республикыште 90 тӱрлӧ калык-влакын еҥышт вожаҥыныт.
Тачысе кечын кугыжаныш архив историй документ-влакым цифроватла, 16, 17, 18 курымласе документ-влакым арала, пытартыш жапыште специалист-влак нуным электрон йӧнышкӧ кусарат. Архивын электрон йӧнышкö кусарыме фондлаже дене учрежденийын сайтыштыже палыме лияш йӧн уло. Йыргешке ӱстелышке толшо-влаклан фондым цифроватлыме шотышто мастарлык-классым эртареныт.
Марий кугыжаныш архив историй шотан документ-влакым веле огыл арала, тыгак кызытсе пагытысе документ-влакымат, лӱмлӧ, палыме еҥ-влакын фондыштым арала, тыгак виртуальный выставке-влакымат чумыра.
Комментариев: 0