Пожарым йӧртышӧ-влакын профессионал пайремышт вашеш пожарный да утарыше-влаклан чапкӱм почыныт. Тудо Йошкар-Олаште Воскресенский паркыште верланен. Памятникын негызышкыже икымше кӱйым 2017 ийыште пыштеныт, тудын дечын вара конкурс эртен. Памятникым сӱретче-влак Анатолий Ширнин да Сергей Яндубаевын проктше дене ыштеныт. Памятник тыныс илышын геройжо-влаклан пӧлеклалтын, тушто утарыше кидыштыже йочам кучен шога, шеҥгелныже тулойып коеш, воктеныже тудын полышкалыше пий. Памятникым почмашке регион вуйлатыше Александр Евстифеев, тыгак республикын сенаторжо-влак Константин Косачев да Сергей Мартынов ушненыт да пожарым йӧртышӧ-влакым профессионал пайремышт дене саламленыт.
Тачысе кечын Марий Элыште пожар охране подразделений-влаклан тӱткыш ойыралтеш, икмыняр тылзе ончыч южо пожарный частьлаште оборудований да инвентарльым уэмденыт. Чодыра пожарым йӧртымаште тыршыше-влак нерген ойлаш гын, «Экологий» нацпроект дене республикылан 27 миллион теҥге ойыралтын, тений 34 миллион теҥгелан оборудований да техникым налшаш улыт.
Комментариев: 0