Кугыжаныш Думо мӱшкыран ӱдырамаш да йочан еш-влаклан полыш шотышто законым пеҥгыдемден. Документ президентын Федерал Собранийлан посланийын кӱштымашыже дене кылдалтын. 1 сентябрь гыч шым ий марте йоча дене шинчымылан больничный пашадарын 100 процентше тӱлалташ тӱҥалеш. Тичмаш огыл, шагал парышан ешлаште - кандаше гыч 16 ияш марте йоча-влак улыт гын, 1 июль гыч нунылан регионышто йоча-влаклан илен лекташ ситыше кугыт гыч пелыжым тӱлаш тӱҥалыт. Неле илыш ситуацийышке логалше мӱшкыран ӱдырамаш-влакланат 1 июль гыч пособий тӱлалтыт.
Комментариев: 0