Погода в Йошкар-Ола:
Марий Эл Телерадио » Марий Эл Радио » Районлаште кундемым тӱзатат

10:34, 21-05-2021Районлаште кундемым тӱзатат

Марий Турекыште  «Комфортная городская среда» проект дене келшышын поселкысо Советский уремыште тротуар-влакым тӧрлаш тӱҥалыныт. Тений тиде кундемыште Советский, Комсомольский, Красноармейский уремлаште троуар-влакым уэмдат, асфальтым, бордюр-влакым вашталтат. Пашалан 3 миллион утларак теҥге ойыралтеш. 

Советский поселкышто  тиде проект дене рӱдо скверым тӱзаташ тӱҥалыныт. Тений пашан икымше этапшым шуктат. Скверыште теҥгыл, модаш да канаш вер лийыт, тротуар-влакым ыштат.  

Волжский районышто Шарача селаште памашым тӱзатат. Пашам 1 июльышто мучашлышаш улыт. Тушто понар-влакым вераҥдат, печым печат, теҥгыл-влакым уэмдат. Помар селаште, "Тазалык» лӱман кумдыкым шотышко кондат. Тений пашан кокымшо этапше кая. Тидын нерген район-влакын  администрацийышт увертарат. 

Просмотров 97
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив