Марий Элыште йоча-влакым тазаҥдыме кампаний умбакыже шуйна. Роспотребнадзорын Марий Элысе виктемыштыже палдарат: тений кундемыште чылаже 185 йоча учреждений паша ышта. Тышечын 13-шо – тиде ола деч öрдыжсö лагерь, 171- школ пеленсе лагерь. Тыгак йоча-влаклан ик стационарный палаткан лагерьыште да ик санаторийыште канаш йоным ыштат. Тÿшкан ончалмаште, тений 16 тÿжемат 800 ÿдыр-рвезе тазалыкшым пенгыдемден кертеш. Тылеч посна 2 тÿжем утла йоча республик деч öрдыжто лиеш. 300 еҥ «Артек», «Орленок», «Смена», «Сириус» федерал рÿдерлаште да Российысе тазалыкаралтыш министерствын федерал кукшытан санаторийлаштыже кана.
Палемдыман, каныме верлаште йоча ден пашаен-влакын тазалыкыштым тÿткын эскерат: кечылан икмыняр гана температурыштым висат. Пищеблокышто да технический персонал маске, перчатке дене пашам ыштат. Южым эрыкташлан рециркулятор-влакым кучылтыт, полем-влакым дезинфицирующий средстве ден мушкыт. Икымше сменыште почылтшо лагерь-влак санитар правил ден нормылан келшен толмыштым пенгыдемдыше документым налыныт. Коронавирус дечын 871 пашаеҥ прививкым ыштен.
Комментариев: 0