19:44, 5-03-2024Марий Эл ТВ: Медведево районысо Юбилейный поселкышто ече дене марафон эртаралтын

Ечыгорнышто таҥасеныт. Медведево районысо Юбилейный поселкышто ече дене марафон эртаралтын. Тений спорт таҥасымаш 35-ше гана ечызе-влакым чумырен. Марафонышто элнан 8 регион гыч 500 наре участник куржын. 50 километр кужытан дистанцийыште Сергей Майоров сеҥен. Ӱдырамаш коклаште 30 километрым Чулпан Зуева эн писын эртен. Марафоныш кажне ийын ЧувАший Республик, Угарман, Киров кундемла, Озаҥ ола гыч спортсмен-влак ушнат. Республикын школлаж гыч, тыгак кугурак ийготан-влакат стартышке лектыныт. 1990 ийла гычак тиде таҥасымашын тӱҥ организаторжо- Михаил Николаев.