Марий Эл ТВ: 1 июнь гыч единый пособийым палемдыме условий вашталтеш

1 июнь гыч единый пособийым пуымо условий вашталтеш. Единый пособий – элыштына кокымшо ий тӱлалтше кугыжаныш окса полыш. Тудым ойыраш ешын окса парышыжым гына огыл, улшо погыжымат шотыш налыт. Алиментым налше-влакынат окса кугытышт вашталт кертеш. Ойырлымо годым алиментым суд палемден гын, пособий толшо окса кугыт дене шотлалташ тӱҥалеш. Вате-марий алимент окса шотышто шке коклаште кутырен келшеныт гын, йодмашыште палемдыме окса кугытым ончат. Ик йочалан МРОТ-ын нылымше ужашыже, 2-лан – кумшо ужашыже тӱлалтеш. Тений МРОТ-ын кугытшо - 19 тӱжемат 242 теҥге.