Самырык-влакын кечыштым палемдаш чыла ямде. 29 июньышто республикыште самырык-влакын кечышт палемдалтеш. Йошкар-Олаште икмыняр площадкыште мастарлык-класс, концерт, спорт таҥасымаш да молат лийыт. Чылаже 8 виктыш, еш, туныктымо, спорт, усталык да моло теме дене кылдалтше виктыш-влак. Организатор-влак палемдат, тиде кечын еш дене каналташ кажныже шкалан келшыше мероприятийым муэш. Чылажат яра эртаралтеш.