Марий Эл ТВ: Полыш нимо деч шерге

Гуманитар полышым чумырымо паша районлаштат шукталтеш. Кажне кундемыште ты сомылым виктараш тӱрлӧ штабым, ушемым, организацийым чумырымо. Гуманитарный полышым погымашке ялысе калыкат кумылын ушна. Тыглай еҥ-шамычат шуко улыт – мо дене кертыт, тудын дене полшат. Погымо окса дене мо кӱлешым наледат. Ты пашам виктарымаште верысе ялсоветын, книгагудо пашаеҥ-шамычын надырыштым палемдыман. Тыгак салтак-шамычын ача-авашт, родо-тукымышт тидын шотышто ятыр тыршат.