Марий Эл ТВ: Козьмодемьянск оласе кава йымалсе тоштер ожнысо пу ате-влакым арала

Козьмодемьянск оласе Валерий Романов лӱмеш кава йымалсе этнографий тоштерыште оҥай ончер пашам ышта. Тушто пу гыч ыштыме ожнысо ате-влакым ончыктымо. Экспонат-влак тоштерын тӱҥ да полшышо фондлаж гыч улыт. Тоштер пашаеҥ-влакын палемдымышт почеш, тыгай ате-влакым куэ ден тумо пушеҥе гыч ыштеныт. Нуным кӧргынчыныт. Могай келгыт кӱлеш, тугайым ыштеныт. Ончерыште тумо ден куэн клёпкылаж гыч ыштыме жбан-влакымат ужаш лиеш. Тыгай кӱмыж-совлам тӱрлӧ семын сылнештареныт. Пу атылашке сырам гына огыл, мӱй пӱрым, пурамат  оптеныт.