9 май вашеш Йошкар-Олам сылнештарат. Рӱдоланан чыла микрорайоныштыжо олмыктымо пашам ышташ палемдыме.  Ола уремласе корнышто погынышо ошмам, пуракым лӱмын аппарат полшымо дене эрыктат. Йошкар-Ола администрацийыште палемдыме почеш,  тачысе кечылан оласе уремла гыч 4 тӱжем тонн ошмам луктыныт. А субботникыш лекше-влакын погымо шӱкшакышт  500 кубометрышкат шуын. Сеҥымаш кечылан рӱдолана ару, чевер лийшаш.