Марий Элыште ресторан бизнесым вияҥдыме нерген мутланеныт. 

Тачысе кечын кундемыште ты сферыште 1148 организаций пашам ышта. Тыгодым 20% турист да экскурсий группо-влак дене пашам ыштен кертыт. Марий кочкыш турист-влаклан кундемын ойыретмже дене чакрак палыме лияш полша. Совещанийым Марий Эл Виктер вуйлатышын икымше алмаштышыже Дмитрий Троицкий эртарен. Тушто Йошкар-Олаште гастрономий кластерым вияҥдыме йодышым нӧлталыныт, тыгак экономике вияҥмаш министерствын полышыжо, тыгак ресторанлаште ыштыше-влакын компетенцийыштым Торгово-технологиеский колледжын полшымыжо дене кугемдыме нерген ойленыт.