Мӧҥгӧ сеҥымаш дене пӧртылыт. Моско олаште тазалык шотышто эмганен вияҥше-влак коклаште «Абилимпикс 2022» чемпионатым иктешленыт. Таҥасымашын национал этапыше 28-ше гыч 31-ше октябрь марте эртен. Тушто уло Россий гыч чемпионатын регионысо да ойырен налме этапыштыже ойыртемалтше эн уста мастар-влак чумыргеныт. Мемнан республикын чапшым 16 конкурсант арален. Тиде 3 тунемше, 4 студент да 9 специалист. Зачетыште Марий Элысе делегаций 13 медаль дене палемдалтын. Участник-влак 4 шӧртньӧ, 5 ший да 4 бронзо медальым суленыт.

Праздничный концерт по заявкам телезрителей.

Акцийышке ушно да шке шинчымашетым терге. 3 гыч 8 ноябрь марте тӱнямбал кӱкшытан Кугу этнографий диктант лиеш. Тений акций 7-ше гана эрта. Ий гыч ийыш тушко Марий Элат чолган ушна.

Интервью с актрисой Национального театра драмы им. М. Шкетана Алиной Егошиной. «Актуальное интервью» с Лирой Матвеевой.

Тудлан улыжат 38 ий темеш ыле… Марий эстрадын чолга шудыржӧ, уста семмастар Артур Ефремовлан шочмо ялыштыже шарныктыш оҥам почыныт. Тиде пашам «Чоным почын мурена» проект да Марий конгресс шуктен. Шарныктыш оҥам марий мурызын шочмо кечынже, 28 октябрьыште, Шуарсола тӱвыра пӧрт пырдыжыш сакеныт. Лачак тыште Артур Ефремов шке усталык корныжым тӱҥалын. Шарныктыш оҥам почмо мероприятий гыч Вера Горохова ден Сергей Ефремовын ямдылыме видеоматериалыштым ончаш темлена.

Полыш кидым шуялтен. Рушарнян Йошкар-Ола гыч 13 медицине пашаеҥым Запорожский областьыш ужатеныт. Специалист-влак Бердянск олаште йоча-влакым тергаш да эмлаш тӱҥалыт. Медик-влак пеленышт у оборудованийым наҥгаеныт. Тиде тӱрлӧ инструмент, электрокардиограф, УЗИ аппарат да молат. Бердянскыш нуно Симферополь гоч кок сутка наре каят. Командировко ик тылзе шуйна. Вара специалист-влакым вес медицине пашаеҥ тӱшка алмаштышаш.

Праздничный концерт по заявкам телезрителей.

Театрын самырык ончышыжо-влаклан премьер! Республикысе курчак театр 1 гыч 3 ий марте изи икшывылан у спектакльым ончыкташ вашка. «Кто сказал «мяу?»» але «Кӧ «мяу» манын?» постановко модыш-воштылтышлан поян лиеш. Арам огыл тудо «Тыйын икымше йомакет» маналтеш. Спектакльыште йоча-влакым тӱрлӧ янлык дене палымым ыштат. Тылеч посна изи зритель-влакым эше мо вуча? Тиде йодышлан вашмутым Лира Матвеева пала.

Эстраде вокал дене шинчымашым пеҥгыдемденыт. Республикысе калык усталык рӱдер тӱвыра пашаеҥ-влаклан черетан семинарым эртарен. Тиде гана тӱткыш вокаллан ойыралтын. Семинар-практикумыш 50 наре еҥ погынен. Нунын занятийыштым мемнан коллегына эскерен.

Праздничный концерт по заявкам телезрителей.