Тыланем мый тыланет... 23 ноября 2022 г.
- Дата: 19:31, 23-11-2022
- Просмотров: 436
Курыкмарий муро-влак тачысе кечын келыштарыме у обработко дене йоҥгат. «Эреҥер» ансамбльын участникше, самырык ӱдыр Валентина Милютина «У еҥ» этно-панк ансамбль дене пырля курыкмарий калыкын ик эн йӧратыме мурыжо-влаклан у илышым пуэн, у мини-альбомым шочыктен.
Морко кундемыште марий просветитель Гавриил Яковлевым шарныме пайрем-погынымаш эртаралтын. Марий букварьын авторжо Курыкмарий кундемыште1843 ийыште шочын. Марий просветитель семын ятыр шымлыме пашам возен, черке книга-влакым кусарен, службым эртарен. Унчо, Арын кундемлаште школым ышташ полшен. Сотемдарче 1912 ий 21 ноябрьыште черланыме деч вара колен.
Оршанке вел семым да куштымашым аралат. Марково тӱвыра пӧрт пеленсе «Йӱк сем» фольклор ансамбль 7 ий ончыч чумырген. Таче ты коллективым Оршанке районышто, республикыште веле огыл, ӧрдыж кундемлаштат кумылын вашлийыт. Репертуарыште улшо муро-влакымат шкеак возат. «Йӱк сем» ансамбльын участникше-влак дене мемнан видеоматериалыштына палыме лийына.
Марий КВН-ым угыч пӧртылтеныт. Шукерте огыл Йошкар-Олаште, самырык-влакын полатыштышт весела, пӱсӧ уш-акылан команде-влак таҥасеныт. Тений КВН-ыш куд команде ушнен. Кумданрак- материалыште.
Интервью с наркологом Республиканского наркологического диспансера Даниловой Н.Н. «Актуальное интервью» с Лирой Матвеевой.