Йошкар-Ола «Пеледыш пайремым» вашлийын. Тудо Российын тӱрлӧ лукшо гыч марий-влакым чумырен. Пайремыш толшо-влаклан кумда программым темленыт: кугу таҥошкылмаш, ялозанлык пашаеҥ-влакым чапландарымаш, марий йӱла дене палдарымаш, шочмо йылмын моторлыкшо, калык модмаш да молат.
Республикысе туныктымо тӧнеж-влакым олмыктымо паша умбакыже шуйна. Школ ден йочасад-влакым тӧрлаш, тыгак оборудованийым уэмдаш регионысо да федерал проект-влак полшат. Мемнан съемочный группына Морко районышто лийын. Кумданрак Эльвира Петрован сюжетыштыже.
Фермер озанлыкым почаш кугыжаныш деч полышым налаш лиеш. Йодмашым Республикысе ялозанлык министерстве пелен улшо фермер-влаклан полышым пуышо рÿдерышке колтыман. Грант полыш еш фермым, ялозанлык потребительский кооперативым да агростартапым почаш пуалтеш. Ты аланыште кугыжаныш полышым Курыкмарий кундемыштат налше-влак улыт.
Республик мучко школ пелен чумырымо йоча лагерь-влак пашам ыштат. Шернур посёлкысо 1-ше №-ан школын «Непоседы» йоча лагерьже дене Дмитрий Веденькин палдара.
Йошкар-Олаште «Пеледыш пайрем» гӱжлен. Тений тудо 50 тӱжем утла еҥым Марий Элын кажне гаяк лукшо гыч да чумыр Россий гыч ушен. Ола мучко ятыр площадке пашам ыштен. Ик эн мотор да кумылым нӧлтшӧ тат – таҥошкылмаш. Тудо йӱла почеш Ленин лӱмеш тӱвыра полат ончыч тарванен да проспект дене Шкетан лӱмеш театр марте эртен. Кугу колоннышто Марий Эл, Татарстан, Удмуртий, Башкортостан да моло кундемла гыч марий-влак кугешнен ошкылыныт. Кажне делегацийын шке ойыртемже лийын. Икымше гана таҥошкылмашке Марий Эл Радион да МЭТР телеканалын коллективше-влак ушненыт.
Республикысе рӱдӧ юмыйӱла ушемын вуйлатышыже Александр Бирюков шошо да кеҥеж кумалтыш-влак нерген.
Семеновкысо физкультур да тазалыкым пеҥгыдемдыме комплекс угыч шке омсажым почеш. Шукерте огыл тушто кӱвар шартышым вашталтеныт. Ынде тудо спорт дене кылым кучышо-влакым вашлияш ямде. Кумданрак Кристина Быкован сюжетыштыже.
Москваште Йошкар площадьыште эртыше 10-шо книга фестиваль кышкарыште 6 гыч 9 июнь марте Российысе калык-влакын Национальный литератур фестивальышт эртен. Тудо тыгакак 10-шо гана лийын. Фестиваль Российысе 80 наре тӱрлӧ калык гыч лекше ончылеҥ-влакым ушен.
Российысе МЧС-ын изи куатан пуш-влак шотышто кугыжаныш инспекцийлан - 40 ий. Тидын вашеш специалист-влак Йошкар-Олаште Вантовый кÿвар воктене канаш келыштарыме верыште йоча-влаклан пайремым эртареныт. Тӱрлӧ операций-влакым шуктеныт, тыгак ГИМС-ыште кужу жап пашам ыштыше-влакым чапландареныт.
Кусарыме паша ушен. 12 гыч 17 июнь марте Марий Элыште «Шочмо книга» семинар эрта. Тышке Марий Элыште илыше марий да руш йылмыла дене возышо писатель ден кусарыше да Москва гыч эксперт-влак чумыргеныт. 6 кече жапыште лекций, мастарлык-класс, экскурсий, книга презентаций эртат. Ик мероприятийыште мемнан съемочный группына лийын.
