Бассейныште йӱштылыт, имне ӱмбалне кудалыштыт, сплавыш коштыт. Тиде чылажат шинча пӱсылык шотышто эмганен вияҥше-влак нерген. Тыгай йӧным сокыр-влак спорт федерацийын «Навстречу к здоровью» лӱман проектше ышта. Тудо президент грантым сеҥен. Грантын кугытшо – 1 миллион утла теҥге. Проект дене паша 1 мартыште тӱналын да 2025 ий февраль марте шуйна. А кызыт участник-влаклан ӥудвел коштмаш дене занятийым эртарат. Ик тыгай вашлиймаште мемнан съемочный группынат лийын.

Тиде кечылаште ВДНХ-ште «Россия» ончер-форумышто мемнан коллегына Лира Матвеева пашам ышта. Кызыт ме тудын дене вашкылым ыштена.

«Защитники Отечества» фондым ыштымылан - ик ий. Тиде жапыште СВО-што улшо боец да нунын ешыштлан тÿрлö могырым полыш пуалтеш. А шукерте огыл «Защитники Отечества» фонд икымше форумым эртарен.

Мландым жаплыме пайрем. Республикын районлаштыже Агавайрем кумалтыш-влак эртаралтыт. Еҥ-влак шошым эртарыме кумалтышыш кинде, туара, муно, пура дене толыт. Тиде пайрем кеҥеж Миколо ден Мланде шочмо кече марте, кажне ийын тӱрлӧ жапыште эртаралтеш. Кажне район ял Агавайремлан кечым онаеҥ дене кутырен келшен ойыра. Йошкар-Олаште илыше-влак теве ынде икмыняр ий Тумер отыш Агавайремыш лектыт.

Юнкор-влак погыненыт. 5 июньышто «Марий юнкор» республикысе усталык школ шке пашажым тӱҥалын. «Ямде лий» газет редакций кундемнан эн чолган возышо 15 юнкоржым чумырен. Нуно Марий Элысе чыла гаяк район гыч улыт. Южыштлан тиде икымше вашлиймаш гын, икмыняр йочалан слет сайын палыме. Тений усталык школ 16-шо гана эртаралтеш. Организатор-влак йоча-шамычлан кумда да поян программым ямдыленыт. Тунемше-влак тоштерлашке лектыт. Тыгак икте-весым шке чолгалыкышт дене палдарат. Но тӱҥжӧ – поян туныктымо программе.

Шошым йӱштӧ игече шогымылан кӧра, олмапу, вишне, сливе, шоптыр да моло вондер-влакланат эҥгек лийын. Южо пушеҥгыже лачак йӱштӧ годым пеледын. Икмыняр кушкыл пеледме жап деч вараш кодын. Садланак тений саскашт денат пакчазе-влакым пешыжак огыт куандаре.

Оласе йырвелым йӧнаным ыштат. Икмыняр ий почела республикыште тыгаяк лӱман программе пашам ышта. Тудын кышкарыште ял, села да оласе кудывечылам шотыш кондат. Мемнан съемочный группына Звенигово район Кожласолаште лийын. Кумданрак Эльвира Петрован сюжетыштыже.

6 гыч 9 июнь марте Москваште Йошкар площадьыште книга фестиваль лиеш. «Красная площадь-2024» книга пайрем Российын регионлаж гыч 400 наре книга савыктышын пашаеҥыштым да сылнымутчо-влакым ушышаш. Марий Эл гыч «Марий книга издательстве» савыктыш пӧртын пашаеҥышт да Российысе писатель ушемын еҥышт каят. Нуно пытартыш ийлаште савыкталтше 100 утла книгам наҥгаят. Тиде радамыште изи да кугу ийготан лудшо-влаклан, тыгак художественный, историй сынан, туныктымо да моло савыктыш-влакат лийыт.

Театр пашаеҥ-влак «Йошкар-Ола театральная» фестивальым иктешленыт. Фестиваль мартыште лийын, тудым 27 мартыште мучашлышаш улыт ыле, Но Крокус Сити Холлышто лийше террактлан кӧра, пайрем мероприятийым кусареныт. Тений театр аланыште артист-влак могай сенымашке шуыныт, кумданрак палдарена.

Краеведений литератур эше ик книга дене пойдаралтын. Тудо «Пектубаевский район: страницы истории» маналтеш. Книга презентаций С. Чавайн лÿмеш калыкле книгагудышто эртен. Кумданрак Кристина Быкован сюжетыштыже.