Тыланем мый тыланет... 5 октября 2020г. 

За минувшие выходные 14 жителей региона лишись денежных средств из-за мошенников на общую сумму свыше 200 тысяч рублей.

За 9 месяцев года региональное Управление Росреестра зарегистрировало 301 сделку на объекты недвижимости с использованием «сельской ипотеки». 

Сегодня вечером планируется перекрытие нескольких участков Казанского и Кокшайского трактов, а также объездной Йошкар-Олы.

В инфекционных стационарах республики на сегодняшний день лечатся 556 человек, у 154 подтверждена коронавирусная инфекция.

5 октябрьыште туныктышо-влакын пайремышт. Таче кечын республикыште 251 школлаште 6 тӱжем утла туныктышо пашам ышта. У тунемме ий Владимир Путинын темлымашыже дене национальный проект дене  икмыняр сай вашталтышым пуртен. Йошкар-Олаште у школым, республикыште «Точки роста» рӱдер-влакым 15 вере почыныт, лишыл жапыште Волжск олаште школын у корпусшым ыштен шуктат, тунемме вер-влаклан компьютерым, пищеблоклашке у техникым налыныт. 

Марий Эллан 100 ий темме вашеш Курыкмарий район гыч сӱретче Любовь Ткаченко марий вургеман ӱдырым сӱретлен да стикер-влакым ыштен. Нуным телеграмм мессенжерыште кучылташ лиеш. Ик кечыште гына стикер-влакым 200 утла еҥ шке телефонышкыжо арален. Тыгак кумылан-влак стикер-влакым вес мессенжерлаштат кучылтын кертыт. 

Озаҥ олаште Кремлевский набережныйын стендлаштыже Марий кундемын сылнылыкшылан пӧлеклалтше фотоончер почылтын. Тушто турист-влаклан республикын сылне верлажым ончыктат. Тиде выставкым республикын 100 ийже лӱмеш почыныт, тудо 30 октябрь марте шуйна. Фотоончерын стендлаштыже марий пайрем, тӱвыра ойыртем, калык сий, Йошкар-Олан сылне верлаже дене фото-влак улыт. 

«Йошкар-Ола театральная» фестиваль тӱҥалын. Ты марте тудо театр-влакын тӱнямбалсе кечышт вашеш, мартыште эртен, но тений пандемийлан кӧра, тудым шыже пагытышке кусарыме. Икмыняр кече жапыште Марий кундемыште пашам ыштыше театр-влак шке пашаштым ончыктат. Фестивальым Майоров Шкетан лӱмеш марий кугыжаныш драме театр «Йыван Кырля.Путевка в жизнь» спектакль дене почын. Фествивальыште Республикысе курчак театр, курыкмарий театр, Константинов лӱмеш руш драме, Марий самырык, Эрик Сапаев лӱмеш опер да балет театр-влак пытартыш турыгымшто ямдылыме пашаштым аклаш луктыныт. «Йошкар-Ола театральная фестивальым» 8 октябрьыште пайремлын мучашлат. Тунамак Йыван Кырля лӱмеш театр премийым кучыктат. 

Август да сентябрь тылзылаште республикыште 1192 икшыве шочын. Тиде жапыште 737 у еш шочын. Кӧргӧ политике да юстиций министерствын палдарымыже дене, 600 эрге, да 592 ӱдыр шочын. Тӱҥ шотышто ача-ава-влак шке икшывыштлан Артем, Илья, Матвей, Максим, Егор, Роман, Андрей, Иван лӱм-влакым пуэныт. Ӱдыръеҥ-влаклан гын Анна, София, Екатерина, Мария, Ева, Елизавета, Арина, Ксения, Виктория. Шуэн вашлиялтше лӱмымат пуэныт. Тыге мутлан Адам, Аксар, Аким, Данис, Евсей, Замир, Мирослав, Серафим, Стефан, Сэм, Тихон, Тихомир.