Частичный мобилизацийыш логалше-влаклан посна сайтым ыштыме. Регион вуйлатыше Юрий Зайцевын темлымашыже почеш у интернет-порталыште мобилизаций дене кылдалтше чыла гаяк йодышлан вашмутым муаш лиеш. Мобилизаций деч посна эше еш-влаклан социал паспортым ыштыме, выплатым налме, да тулеч моло гарантий-влак нерген умылтарен возымо. Эсогыл, частичный мобилизацийыш логалше айдемын пий-пырысшым, вольыкшым жаплан ашнаш налше приют-влакымат муаш лиеш. Тыштак Россий Федерацийысе обороно министерствын да Марий Элыссе сарзе комиссариатын «шокшо линий» номерыштым муаш лиеш. Нунын дене ятыр моло йодышымат рашемдаш йӧн уло. Ушештарена, теҥгече Россий Президент Владимир Путин Херсон да Запорожский областьлаште, Луганск да Донецк калык республикыла кумдыклаште сарзе положений нерген увертарен. Элнан чыла регионыштыжо реагирований уровеньым палемдыме. Марий Элна тидын шотышто кокла шотан уровеньыш пура гын, Российын рӱдӧ да кечывалвел кундемла – посна ямде улмо режимыш кусаралтыныт.
Комментариев: 0